Thaçi e qet veten në foto duke folur në telefon: “Amerikanët thonë që marrëveshja përfundimtare e domosdoshme”

Presidenti i Republikës së Kosovës, Hashim Thaçi, ka bërë një postim të ri në llogarinë e tij në Facebook, shkruan Periskopi.

Thaçi e ka postuar një foto me një përshkrim ku thotë se ka folur me Ndihmës-sekretarin e Shtetit të ShBA-së për Çështje Evropiane dhe Euroaziatike.

Ai thotë të ketë diskutuar për forcimin e marrëdhënieve bilaterale dhe për “fazën e fundit të dialogut ndërmjet Kosovës dhe Serbisë.”

Presidenti i Kosovës po bën avokimin e vazhdueshëm të marrëveshjes përfundimtare mes Kosovës dhe Serbisë.

Ky është postimi i tij i plotë:

“Sapo zhvillova një bisedë telefonike me Ndihmës-Sekretarin e Shtetit të SHBA-së për Çështje Evropiane dhe Euroaziatike, Wess Mitchell, me të cilin bashkëbiseduam për forcimin e marrëdhënieve bilaterale dhe për fazën e fundit të dialogut ndërmjet Kosovës dhe Serbisë.

Ne u pajtuam për intensifikimin e dialogut dhe domosdoshmërinë e arritjes së marrëveshjes përfundimtare, ligjërisht obliguese me Serbinë. Dialogu dhe marrëveshja përfundimtare janë mënyrë e vetme për t’i hapur rrugë integrimeve euroatlantike për Kosovën dhe për të siguruar paqen dhe stabilitetit afatgjatë në Ballkanin Perëndimor.

Kosova, si gjithmonë, gëzon mbështetjen e palëkundur amerikane edhe në fazën e fundit përfundimtare të këtij procesi të vështirë, por jo të pamundur për t’u përmbyllur me marrëveshje. HTH”