7 orë më parë‘Spiderman’-i francez sot e ka filluar punën si zjarrfikës
Periskopi(8 vite më parë)
(8 vite më parë)Sot ka qenë dita e parë e punës në Brigadën e Zjarrfikësve në Paris e emigrantit nga Mali, i cili e mori pseudonimin “Spider-Man” pasi u ngjit në një ndërtesë për të shpëtuar një fëmijë i cili ishte varur nga një ballkon, raporton CNN. Shpëtimi i fëmijës nga Mamoudou Gassama në muajin maj, jo vetëm […]
Shpëtimi i fëmijës nga Mamoudou Gassama në muajin maj, jo vetëm që e bëri të famshëm në internet, por ai fitoi edhe nënshtetësinë franceze dhe një punë si zjarrfikës.
Emigranti 22-vjeçar malian filloi punën e tij sot, e diel, tha Djeneba Keita për CNN.
Ai ishte një nga 24 rekrutët e rinj, shkroi të enjten, Brigada e Zjarrfikësve e Parisit.
Presidenti francez, Emmanuel Macron e kishte falënderuar personalisht Gassaman dhe i kishte dhënë atij një medalje për guximin dhe tha se atij gjithashtu do t’i ofrohej një punë në shërbimin e zjarrfikësve, përcjell kallxo.com.
Ai i tha presidentit Macron: “Unë thjesht nuk pata kohë për të menduar, unë vrapova për ta kaluar rrugën për të shkuar dhe për ta shpëtuar atë.
“Unë vetëm u ngjita lart dhe falënderoj Perëndinë, Perëndia më ndihmoi. Sa më shumë që u ngjita, aq më tepër kisha guximin të ngjitem më lart, kjo”, shtoi ai.
