7 orë më parëSa miliona euro la vjet borxhe Ministria e Infrastrukturës
Periskopi(8 vite më parë)
(8 vite më parë)Ministria e Infrastrukturës, vitin 2017 e kishte përmbyllur me dhjetëra milionë euro borxhe, raporton KTV. Në fillim të vitit 2017, obligime të papaguara, sipas planit Financiar, i kishte paraqitur 15 milionë e 535 mijë e 336 euro. Më vonë, këtij borxhi i janë shtuar 22 milionë e 588 mijë e 872 euro. Pjesa më e […]
Në fillim të vitit 2017, obligime të papaguara, sipas planit Financiar, i kishte paraqitur 15 milionë e 535 mijë e 336 euro.
Më vonë, këtij borxhi i janë shtuar 22 milionë e 588 mijë e 872 euro. Pjesa më e madhe e obligimeve të papaguara janë ndaj kompanisë Bechtel & Enka dhe kanë të bëjnë me ndërtimin e autostradës Prishtinë – Hani i Elezit.Sipas arsyetimit të zyrtarëve përgjegjës, arsyeja kryesore e krijimit të këtyre obligimeve ishte mungesa e buxhetit. Zyra e prokurimit e MI-së, ka nënshkruar kontrata në vlera shumë më të mëdha se sa që ishin paraparë. Ishte paraparë të kontraktoheshin furnizime dhe shërbime në vlerë prej rreth 13 milionë eurosh, por ka nënshkruar kontrata në vlerë prej më shumë se 22 milionë eurove.
Auditori ka gjetur keq-klasifikim të shpenzimeve brenda kategorisë së mallrave dhe shërbimeve. Ministria e Infrastrukturës ka hyrë në obligime kontraktuake pa mbulueshmëri të mjaftueshme financiare.
