3 orë më parëPse u bë sondazhi që e qiti Thaçin dhe PAN-in të parin?
Periskopi(8 vite më parë)
(8 vite më parë)Instituti Demokratik i Kosovës (KDI) ka publikuar gjatë ditës së djeshme një rezultat të një sondazhi në lidhje me votat që do të mblidhnin partitë parlamentare në Kosovë në rast se zgjedhjet do të mbaheshin këtë të dielë, shkruan Periskopi. Sipas këtij sondazhi, Lidhja Demokratike e Kosovës (LDK) do të dilte e para me 30,8 […]
Instituti Demokratik i Kosovës (KDI) ka publikuar gjatë ditës së djeshme një rezultat të një sondazhi në lidhje me votat që do të mblidhnin partitë parlamentare në Kosovë në rast se zgjedhjet do të mbaheshin këtë të dielë, shkruan Periskopi.
Sipas këtij sondazhi, Lidhja Demokratike e Kosovës (LDK) do të dilte e para me 30,8 për qind të votave, Partia Demokratike e Kosovës (PDK) do të kishte 23, Vetëvendosje (VV)21,2, Aleanca për Ardhmërinë e Kosovës (AAK) 10,4, Nisma 6,3 dhe PSD-ja 2,4.
Edhe nga rezultati i këtij sondazhi, koalicioni parazgjedhor PAN po të bëhej bashkë do të dilte pa vështirësi të mëdha para LDK-së, me 39,7 për qind.
Nga ajo që tregon KDI, del se koalicioni parazgjedhor ka shënuar rritje në kurriz të Lëvizjes Vetëvendosje. Subjekti i drejtuar nga Albin Kurti i ka humbur 6,3 për qind (nga 27,5 në 21 ,2) ndërkohë që PAN-i i ka fituar saktë 6 për qind.
KDI-ja ka bërë edhe një sondazh tjetër për kryenegociatorin e vendit, ku del presidenti i deligjitimuar i Kosovës Hashim Thaçi si i pari me 44 për qind.
Sondazhi lë përshtypjen se qytetarët e vendit nuk morën vesh nga skandalet gati të përditshme të Qeverisë Haradinajt. Por marrë parasysh kohën kur u bë ky sondazh, sepse zgjedhjet nuk do të mbahen as këtë të dielë e as në javët dhe në muajt në vijim, zor se ndjell besim.
Për më tepër, sondazhi paralel, në lidhje me kryenegociatorin e bën të dyshimtë edhe qëllimin e tij. Qëllimi mund të jetë thjesht legjitimimi i Hashim Thaçit si kryenegociator dhe zhvlerësimi i opozitës. /Periskopi
