3 orë më parëPartitë serbe kërkojnë llogari nga Vuçiqi, thërrasin seancë të jashtëzakonshme për Kosovën
Periskopi(8 vite më parë)
(8 vite më parë)Zëvëndës-kryetarja e Partisë Popullore të Serbisë, e cila është edhe deputete në Kuvendin e Serbisë, Sanda Rashkoviq, është ankuar sot se Kuvendi serb po i injoron kërkesat për seanca të jashtëzakonshme për Kosovën, shkruan Periskopi. “Gjatë gjithë këtyre muajve janë mbajtur tetë seanca, por asnjë nga ato nuk u mbajtë për Kosovën. Në dy vitet […]
“Gjatë gjithë këtyre muajve janë mbajtur tetë seanca, por asnjë nga ato nuk u mbajtë për Kosovën. Në dy vitet e fundit Këshilli i Sigurimit të OKB-së, ka diskutuar më shpesh për Kosovën se san ë parlamentin e Serbisë” ka thënë Rashkoviq.
Ajo i ka bërë thirrje preisdentit të Serbisë, Aleksandër Vuçiq, që të raportojë në Kuvendin e Serbisë, dhe të tregojë planin e tij për zgjidhjen e çështjes së Kosovës.
“Është koha e fundit që të tregohet i guximshëm dhe burrë, dhe të vijë para të zgjedhurve të popullit në Kuvendin e Serbisë dhe të tregojë vizionin e tij, në mënyrë që ta dijmë atë se çfarë na pret”, është shprehur Rashkoviq, shkruan Periskopi , marrë nga Danas.
Sipas saj presidenti Aleksandër Vuçiq dhe kryeministrja Brnabiq vazhdimisht po e shokojnë popullin serb me deklarata skandaloze
Ajo ka shtuar se Kosova ka avansuar në shumë aspekte, dhe ndërkohë në Serbi nuk diskutohet për asnjërën nga ato çështje, raporton Periskopi.
“Kosova ka marrë kodin kombëtar telefonik, ka themeluar pikat e kontrollit kufitar, ka arrestuar Marko Gjuriqin, është vrarë Oliver Ivanoviq.. etj etj”, ka përfunduar ajo.
Ndërkohë në Kosovë temë kryesore është emri i atij që do të udhëheq me raundin final të bisedimeve me Serbinë.
Emri i Hashim Thaçit nuk parapëlqehet nga opozita, megjithatë në një sondazh të publikuar nga KDI, presidenti Thaçi është i parapëlqyeri i qytetarëve për të udhëhequr me bisedimet.
Mbështetjen për Thaçin e ka dhënë edhe kryeministri i Republikës së Kosovës, Ramush Haradinaj./Periskopi/
