7 orë më parëParaqitej si daja i Lladrovcit dhe e kërcënonte me vdekje Drenorin, Policia e Kosovës ia gjen vendndodhjen
Periskopi(8 vite më parë)
(8 vite më parë)Ish-asamblisti i Komunës së Drenasit, i cili njëherit ishte dhe kandidat i pavarur për kryetar të Komunës, Xhavit Drenori, ka njoftuar se Policia e Kosovës ka identifikuar personin i cili e ka kërcënuar me vdekje atë disa herë radhazi në rrjete sociale, raporton Periskopi. Drenori ka shkruar se personi që e kishe kërcënuar ishte paraqitur […]
Ish-asamblisti i Komunës së Drenasit, i cili njëherit ishte dhe kandidat i pavarur për kryetar të Komunës, Xhavit Drenori, ka njoftuar se Policia e Kosovës ka identifikuar personin i cili e ka kërcënuar me vdekje atë disa herë radhazi në rrjete sociale, raporton Periskopi.
Drenori ka shkruar se personi që e kishe kërcënuar ishte paraqitur si daja i kryetarit të Drenasit, Ramiz Lladrovci, por sipas njoftimtit zyrtar të Policisë së Kosovës, kërcënuesi është nga Komorani.
“Falenderoj Policinë e Kosovës për identifikimin, intervistimin dhe thirrjen para përgjegjësisë të këtij tipit i cili nga tre profile me emra të ndryshem (të rrejshem) me kanosej me jetë, madje duke u thirrur edhe si daja i Kryetarit Lladrovci. (Ky i fundit ishte njoftuar nga unë për këtë rast).Sot zyrtarisht nga Policia u njoftova se kundër këtij personi, i cili del të jet një qytater i lagjes Zogu nga Komorani, është ngritur Kallëzim Penal në Prokurinë Themelore në Prishtinë nga Policia e Kosovës”, është shprehur Drenori.
Ai ka thënë se njëra nga arsyet e dorëheqjes së tij nga posti i asamblistit ishin pikërishtë këto kërcënime, që sipas tij do ta detyrojnë që së shpejti të largohet edhe plotësisht nga politika dhe të angazhohet në fushën e gazetarisë hulumtuese, shkruan Periskopi.
“Ky rast dhe raste tjera të kërcenimit dhe shantazheve të ndryshme, që përjetova gjatë veprimtarisë politike, kuptohet që me kanë veshtirësuar rrugën e qellimit tim që t’i ndihmoj demokratizimit të shoqërisë në Komunën tonë, por asnjëherë të arrijnë qellimin e tyre për të me ndalur apo zbrapsur në këtë mision të shënjtë që i kishim vënë vetes me ekipen time.Tërheqja nga mandati i asamblistit dhe së shpejti edhe nga aktiviteti politik ka të bëjë kryekput me bindjen time të thellë se kam gjetur një mënyrë tjetër veprimi (gazetari investigative) për t’i ndihmuar proceset e forcimit dhe rritjes se efikasitetit të institucioneve të Republikës së Kosovës, sidomos në luftën kundër krimit dhe korrupsionit”, ka thënë Drenori.
Ndryshe Drenori gjatë kohës sa ishte asamblist në Kuvendin e Drenasit është përplasur disa herër verbalisht me kryetarin Ramiz Lladrovci.
Ai ishte kthyer nga Gjermania, për t’u angazhuar në skenën politike kosovare./Periskopi/
