Në planin e Titos për Jugosllavinë e madhe, edhe Shqipëria e Selaniku

Tito, siç theksojnë historianë të huaj, përcjell srbija danas, ka pasur ambicie që Jugosllavisë t’ia bashkëngjitë Shqipërinë, Bullgarinë, pjesë të Rumanisë e të Greqisë.

Historiania amerikane Sabrina Ramet ka treguar se si RSFJ e udhëhequr nga Tito deshi të krijonte Jugosllavinë integrale në të cilën do të përfshiheshin rajonet përreth Jugosllavisë: Greqinë, Trakinë, Shqipërinë, Bullgarinë, të paktën një pjesë së Korushkës austriake dhe tërë krahinën Furlani- Krainë Juliane. Në favor të tezës së saj është edhe deklarata e Titos pas Luftës së Dytë Botërore kur kishte thënë se Jugosllavia ka të drejtë në Trieste dhe në tërë Carcininë përfshirë edhe Korushkën austriake.

Historianët ambiciet e Titos për Jugosllavi të madhe i ndërlidhin me Marrëveshjen e Bledit. Në bazë të kësaj marrëveshjeje, autor të sajtit DeviantArt kanë përpiluar hartën e cila tregon se si do të dukej RSFJ po të realizoheshin planet e Titos dhe se ai plan përfshinte Shqipërinë, një pjesë të Rumanisë e të Greqisë deri në Selanik.

Historiani Sërgjan Cvetkoviq thotë se harta me siguri ka lidhje me të ashtuquajturin projekt i federatës ballkanike.

“Kjo Jugosllavi do të përfshinte tashmë vendet ekzistuese, plus Shqipërinë e Bullgarinë. Dihet se ka pasur aspirata ndaj Greqisë e Austrisë. Projekti ka qenë aktual pas përfundimit të Luftës së Dytë Botërore. Ideja ka e tillë ishte hedhur në tavolinë, komunistët bëjnë kështu, nxirrnin një ide për t’u testuar në fakt kjo ka qenë karrem i Titos për ta testuar Stalinin. Thotë Cvetkoviq.

Sipas fjalëve të tij, shumica e historianëve mendojnë se mu kjo ide ka qenë shkaku kryesor i konfliktit të Titos me Stalinin.