Gjatë verës një numër i madh i mërgimtarëve vijnë për pushime në Kosovë, ku shumë prej tyre vijnë nga Serbia.

Megjithatë, të gjithë mërgimtarët që vijnë nëpërmjet Serbisë duhet të kenë dijeni për ndryshimin e disa rregullave, përcjell albinfo.ch.

Rregullat e reja kanë filluar të zbatohen dhe mërgimtarët duhet të kenë shumë kujdes, sepse në Serbi ka filluar matja e shpejtësisë mesatare gjatë vozitjes nëpër autostrada.

Me këtë nënkuptohet se do të matet koha për të cilën është kaluar segmenti i caktuar i rrugës mes dy punkteve në të cilat bëhet pagesa, ndërsa pagesa e dënimit për tejkalim të shpejtësisë behet menjëherë në punktin e pagesës për autostradë.

Shpejtësia e lejuar në autostradat e Serbisë është 130km/h, ndërsa dënimet sipas kategorive shkojnë prej rreth 25 euro deri mbi 1000 euro dhe 15-60 ditë burg, shkruajnë mediat serbe, përkatësisht “espreso.rs”.

Dënimet janë rigoroze, andaj ata që kalojnë nga Serbia duhet të kenë shumë kujdes.

Autostradat në Serbi

Suboticë – Nish (423 km); 3 orë e 31 minuta,

Beograd – Nish (237 km): 1 orë e 58 minuta,

Beograd – Suboticë (190 km): 1 orë e 34 minuta,

Beograd – Shid (109 km): 54 minuta.

FAKTE

– 130 km/h është shpejtësia maksimale e lejuar në autostradat në Serbi

– 120 km/h është shpejtësia maksimale e lejueshme në autostradat në Serbi me anë të shenjave

– Dënohen 3,000 dinarë (25 euro) për shpejtësi nga 120 në 140 km/h

– Dënohen prej 10,000 dinarë (85 euro) për shpejtësi nga 151 në 160 km/h

– 100,000 dinarë (845), 15 deri në 60 ditë burgim, 15 pika ndëshkuese dhe nëntë deri 12 muaj pa licencë është dënimi për tejkalimin nga 201 deri 220 km/h