Masazhierja detyrohej të bënte edhe seks, Policia e Kosovës arreston 3 persona

“Drejtoria për Hetimin e Trafikimit me Qenie Njerëzore, Sektori Qendror i Hetimeve, me datën 4 korrik 2018, pas hetimeve intensive kanë realizuar një operacion kontrolli në një lokacion (lokal/sallon masazhi), me ç’rast kanë bërë arrestimin e tre personave të dyshuar, si dhe kanë identifikuar një viktimë të trafikimit.Personat e arrestuar lidhur me këtë rast janë: M. Z. lindur me 1988 f/sh/k, V. Xh. lindur me 1997 f/sh/k, F. H. lindur me 1994 m/sh/k”, thuhet në njoftimin e policisë.

Pas aksionit, lokali është mbyllur, dhe të dyshuarit janë dërguar në paraburgim.

“Dyshohet se viktima është shfrytëzuar për punë të detyruar dhe shërbime seksuale. Me këtë rast personat e dyshuar të arrestuar dyshohet se kanë kryer veprën penale ‘trafikim me njerëz’ neni 171, ‘bashkëkryerja’ neni 31.Si prova materiale janë konfiskuar përkohësisht tre telefona dhe provat tjera të siguruara gjatë hetimit i dërgohen prokurorit për procedim të mëtutjeshëm.Viktima është trajtuar në bazë të procedurave standarde për viktimat e trafikimit.Lokali është mbyllur nga ana e inspektorëve përkatës, ndërsa tre të dyshuarit me vendim të prokurorit kompetent janë dërguar në mbajtje për 48 orë”, përfundon njoftimi./Periskopi/