4 orë më parëKreu i NPB-së thotë se nuk e lëshon postin për teke të Shpend Ahmetit
Periskopi(8 vite më parë)
(8 vite më parë)Nexhat Kryeziu, që po vazhdon të qëndrojë në krye të Ndërmarrjes Publike Banesore tha se nuk e ka ndërmend të largohet nga ndërmarrja për ‘teke’ të Shpend Ahmetit e Dren Kukajt dhe në rast se vjen deri te reagimi i Policisë, ata prapë do qëndrojnë në Ndërmarrje. “Unë nuk e liroj vendin për teke të […]
“Unë nuk e liroj vendin për teke të Shpend Ahmetit e Dren Kukajt, e liroj me vendim të bordit të drejtorëve, qysh e përcakton ligji”, tha Kryeziu për Kallxo.com.
Sipas tij, nëse Policia do të reagonte në këtë rast, do luante rolin e Gjykatës.
“Këtu bëhet një precedent i madh, ku Policia e luan rolin e Gjykatës edhe e përcakton se kush ka të drejtë e kush s’ka të drejtë. Mendimi i jonë është që nuk ish dashtë assesi që Policia të merret më këtë çështje”, tha në mes tjerash Kryeziu.
Kryeziu është i bindur që nëse Policia do të vjen në NPB do t’i gjejë aty dhe thotë se nuk e di se çka do të bëjnë me Policinë.
“Na jemi brenda, jemi në ndërmarrje, çdo tendencë e tillë është jolegale, jolegjitime edhe nuk e di se çka mundemi me ba me Policinë e Kosovës, por na do të jemi aty”, tha tutje ai.
