6 orë më parëImami 41 vjeçar që do të martohet me të miturën 11 vjeçe
Periskopi(8 vite më parë)
(8 vite më parë)Një burrë malajzian 41 vjeç, një imam, i martuar me dy gra dhe baba i 6 fëmijëve, është në pritje për t’u martuar me një të mitur myslimane tajlandeze 11 vjeçe, të cilën pretendon ta marrë si grua të tretë. Lajmi bëhet i ditur nga “The Star Online”. Burri, i cili është imam në fshatin […]
Burri, i cili është imam në fshatin e tij të Gua Musang, në veri-lindje të Malajzisë, ka shkuar para dy javësh në Golok, një qytet në kufi mes Malajzisë dhe Tajlandës, për të zyrtarizuar martesën me të miturën, e cila është një e njohur e njërit prej fëmijëve të tij dhe vajza e një prej punëtorëve të tij.
Gazeta shkruan që bashkëshortja e ardhshme ka dhënë miratimin e saj dhe ka deklaruar se është e dashuruar me burrin e ardhshëm që kur ishte 9 vjeçe. Prindërit e fëmijës kanë vendosur si kusht që çifti mund të jetojë së bashku vetëm kur vajza të mbushë 16 vjeçe.
Gazeta po ashtu shpjegon se gruaja e dytë e 41-vjeçarit po konsideron divorcin pasi ka mësuar vendimin e bashkëshortit të saj.
