3 orë më parëBizneset do të dënohen nëse s’u kthejnë centët konsumatorëve
Periskopi(8 vite më parë)
(8 vite më parë)Të gjitha bizneset që nuk i kthejnë parat e imëta do të dënohen me ligj. Kjo masë është përfshirë në ndryshimet që janë bërë në Ligjin për Konsumatorë. Neni 56 “Kthimi i kusurit”, i detyron shitësit që të pranojnë dhe kthejnë kusurin, në rast se ai është më pak se 5 centë, raporton KTV. Por, […]
Neni 56 “Kthimi i kusurit”, i detyron shitësit që të pranojnë dhe kthejnë kusurin, në rast se ai është më pak se 5 centë, raporton KTV.
Por, qytetarët tregojnë se ende hasin në biznese të cilat u thonë se nuk kanë monedha të imëta.
Në Organizatën e Konsumatorëve tregojnë se bizneset, përveç fitimit nga moskthimi i centëve, fitojnë edhe nga TVSH-ja.
Në të dhënat e Bankës Qendrore të Kosovës, del se interesimi i bankave për t’u furnizuar me centë ka rënë me mijëra euro në gjashtëmujorin e parë të këtij viti, krahasuar me vitet e kaluara.
Ndërsa, në Departamentin për Mbrojtjen e Konsumatorit në kuadër të MTI-së thonë se qytetarët nuk ankohen për këtë veprim.
Në hulumtimin e fundit të Organizatës së Konsumatorëve pati dalë se bizneset fitojnë brenda një viti rreth 50 milionë euro në vit nga moskthimi i centëve.
