6 orë më parëVuçiq sulmon Haradinajn: Po tenton ta marrë nën kontroll veriun
Periskopi(8 vite më parë)
(8 vite më parë)Presidenti i Serbisë, Aleksandar Vuçiq ka kërkuar nga përfaqësuesit ndërkombëtarë që të “ndalojnë sulmet ndaj serbëve në veri”. Vuçiq u tha gazetarëve se qëllimi i shqiptarëve është vetëm për të marrë nën kontroll veriun, e jo zbatimi i marrëveshjeve. Kjo duke aluduar në qëndrimet e kryeministrit Haradinaj për marrëveshjen e energjisë. Ai ka thënë se […]
Presidenti i Serbisë, Aleksandar Vuçiq ka kërkuar nga përfaqësuesit ndërkombëtarë që të “ndalojnë sulmet ndaj serbëve në veri”.
Vuçiq u tha gazetarëve se qëllimi i shqiptarëve është vetëm për të marrë nën kontroll veriun, e jo zbatimi i marrëveshjeve. Kjo duke aluduar në qëndrimet e kryeministrit Haradinaj për marrëveshjen e energjisë.
Ai ka thënë se Haradinaj nuk e ka lexuar marrëveshjen e Brukselit për energjinë, dhe se shqiptarët “nuk flasin pa dijeninë e mentorëve perëndimorë”.
“Ata e dijnë se mentorët perëndimorë do të kujdesen që të mos përmbushen ato marrëveshje. Tregimet se janë të shqetësuar nga mos-zbatimi i marrëveshjeve janë vetëm fraza të famshme që përfaqësojnë një eufemizëm”, theksoi Vuçiq.
Presidenti serb kritikoi edhe Avni Arifin dhe Enver Hoxhajn.
“Arsyeja pse jam unë i shqetësuar është se ka pasur shumë incidente në pesë vitet e fundit. Dhe ata nuk shqetësohen për sulmet e rënda ndaj serbëve”, deklaroi Aleksandar Vuçiq.
Ndryshe ky reagim i presidentit serb erdhi pas akuzave nga Haradinaj dhe Avni Arifi që kritikuan Serbinë për marrëveshjen për energjinë.
