5 orë më parëVeseli: Me Vetëvendosjen po kalojmë mirë, dje kemi bërë koalicion në Prishtinë
Periskopi(8 vite më parë)
(8 vite më parë)Lëvizja Vetëvendosje bashkë me PDK-në në Prishtinë dje kanë lidhur bashkëpunim dhe kanë shkarkuar një asamblist të Partisë Social Demokrate. Kjo gjë është kritikuar jashtëzakonisht shumë nga anëtarët e PSD-së, duke thënë se nuk e kanë pritur një gjë të tillë nga partia së cilës i kanë takuar më herët. Por tërë këtë situatë […]
Lëvizja Vetëvendosje bashkë me PDK-në në Prishtinë dje kanë lidhur bashkëpunim dhe kanë shkarkuar një asamblist të Partisë Social Demokrate.
Kjo gjë është kritikuar jashtëzakonisht shumë nga anëtarët e PSD-së, duke thënë se nuk e kanë pritur një gjë të tillë nga partia së cilës i kanë takuar më herët.
Por tërë këtë situatë e ka shfrytëzuar kryeparlamentari dhe kryetari i PDK-së, Kadri Veseli sot në seancë. Ai si me ironi dhe duke qeshur u tha deputetëve të VV’së se ‘mirë kena kalu dje në Prishtinë’, transmeton Periskopi.
Në anën tjetër, Memli Krasniqi i PDK-së tha se kur VV dhe PSD duan të kapen me fjalë, e përmendin PDK-në.
Tutje Krasniqi ka mohuar faktin që në Prishtinë ka koalicion ndërmjet VV-së dhe PDK-së.
Kryetari i Prishtinës, Shpend Ahmeti dje është shprehur i habitur nga ky bashkëpunim.
‘Nuk kam menduar asnjëherë që VV do të bëhet bashkë me LDK e PDK në Prishtinë për të shkarkuar një aksionarë dhe pastaj në mënyrë jubilante të fotografohen me ata që deri dje thonin se e shkatërruan qytetin. ‘/Periskopi/
