3 orë më parëTurqia në bashkëpunim me Italinë ndërton sistemin mbrojtës ajror nacional
Periskopi(8 vite më parë)
(8 vite më parë)Bashkëpunimi ndërmjet prodhuesit të sistemit mbrojtës raketor evropian Eurosam dhe organizatave mbrojtëse do të sigurojë transferimin e teknologjisë drejt Turqisë dhe sjellja e mundësive për eksport në tregjet e vendeve të treta, tha ambasadori i Italisë në Ankara Luigi Mattiolo për mediumin turk “Hurriyet Daily News”. “Turqia dhe Italia dëshirojnë të zhvillojnë marrëdhënie në aspektin […]
“Turqia dhe Italia dëshirojnë të zhvillojnë marrëdhënie në aspektin ekonomik si dhe në industrinë e mbrojtjes në të cilën është i nevojshëm besimi për të bashkëpunuar në terren. Vlera e shtuar është e madhe. Partneriteti i përbashkët në NATO duhet të jetë shkaktari kryesor për këtë lloj bashkëpunimi”, tha Mattiolo.
Dislokimi i sistemit të mbrojtjes ajrore italiane në Kahramanmaras si pjesë e një misioni të NATO-s për të rritur mbrojtjen anti-balistike të Turqisë kundër kërcënimeve të mundshme nga Siria, tregon këtë perspektivë, tha ai, raporton “Hurriyet”, transmeton Periskopi.
Ankaraja kishte bërë një marrëveshje fillestare me konzorciumin italo-francez më 14 qershor, 2017 për të zhvilluar sistemin mbrojtës nacional të Turqisë. Sistemi i propozuar do të jetë një version më i zhvilluar i sistemeve aktuale të mbrojtjes ajrore të SAMP-T të Eurosam.
Një deklaratë e nënshkruar për këtë çështje nga nënsekretariati për Industrinë e Mbrojtjes së Turqisë më 3 qershor ka informuar se këto bisedime nga dyja anët janë duke u zhvilluar si pjesë e dy shteteve në nivelet më të larta shtetërore. Punimet janë planifikuar të finalizohen në fund të vitit 2019./Periskopi/
