4 orë më parëThaçi merr afër vetës ish-shefin e AKI’së (Dokument)
Periskopi(8 vite më parë)
(8 vite më parë)Ish-shefi i Agjencisë së Kosovës për Inteligjencë, Driton Gashi së shpejti mund të emërohet në pozitën e sekretarit të Zyrës së Presidentit. Gashi, i cili dha dorëheqje nga pozita e shefit të AKI’së pas skandalit për dëbimin e gjashtë shtetasve turq nga Kosova, mund të shpërblehet me një pozitë tjetër të rëndësishme nga presidenti Hashim […]
Në një vendim të Ministrisë së Administratës Publike thuhet bëhet e ditur se Gashi së bashku me dy kandidatë të tjerë janë kandidatë potencial për procedura të mëtejme në emërimin për pozitën Sekretar i Zyrës së Presidentit të Republikës së Kosovës.
Komisioni për Vlerësimin e Kritereve bën të ditur se në garë për këtë pozitë përveç Gashit, janë edhe Shpejtim Nishori e Isa Lahi, raporton Periskopi.
Në vendimin e mëposhtëm nuk jepen detaje të tjera se si do të rrjedh tutje gara mes këtyre tre kandidatëve për postin e Sekretarit në Zyrën e Thaçit.
Por, më favoriti për këtë garë është ish-shefi i AKI’së, Driton Gashi, për shkak të afërsisë që ky i fundit thuhet se ka me presidentin Hashim Thaçi.
E emri i këtij të fundit është implikuar në skandalin me dëbimin e gjashtë shtetasve turq nga Kosova, të cilët u tha se janë identifikuar si gylenistë.
Të njëjtit ishin dëbuar në Turqi, ku po i priste burgu.
Dorëheqjen e Gashit nga AKI’ja pas skandalit me turqit e kishte kërkuar kryeministri i Kosovës, Ramush Haradinaj, i cili kishte deklaruar se nuk ishte i informuar lidhur me aksionin për dëbimin e gylenistëve.
Haptas kundër dorëheqjes së Gashit kishte dalë Zyra e Presidentit Hashim Thaçi, ku tani Gashi po kandidon për pozitën e Sekretarit, raporton Periskopi.
Në Zyrën e tij patën thënë se Presidenti nuk e përkrah kërkesën e kryeministrit pa përfunduar hetimet dhe pa parë cila ka qenë përgjegjësia e AKI-së për aksionin.
E në anën tjetër, presidenti turk, Recep Tayyip Erdogan kishte falënderuar Inteligjencën kosovare për aksionin.
Emërimi i drejtorit të AKI-së bëhet nga Presidenti në koordinim me kryeministrin e Kosovës dhe ai shërben si këshilltar për siguri i të dy zyrtarëve shtetërorë.
Por, një gjë e tillë u dëshmua edhe në rastin e Driton Gashit.
Në media ishte raportuar se ky i fundit e kishte informuar vetëm presidentin për dëbimin e gylenistëve, ndonëse një gjë e tillë ishte mohuar nga ai.
Në media shpeshherë ishte raportuar se ishte presidenti Thaçi ai që e kishte sjellë Gashin në krye të AKI’së, për shkak të afërsisë që kishte me të. /Periskopi
