4 orë më parëKush është kryeministri i ri i Spanjës? Çfarë pozicioni politik kishte gjatë luftës në Kosovë?
Periskopi(8 vite më parë)
(8 vite më parë)Lideri i partisë socialiste Pedro Sanchez pritet të udhëheqë qeverinë e Spanjës pas shkarkimit të Mariano Rajoyt. 46-vjeçari, Sanchez ka filluar bisedimet me separatistët katalanas. Sanchez paraqiti mocionin e një skandali korrupsioni që kishte përfshirë partinë e qendrës së djathtë të Rajoyt. Parashikohet një erë e re për vendin e katër të ekonomisë së BE-së, […]
Sanchez paraqiti mocionin e një skandali korrupsioni që kishte përfshirë partinë e qendrës së djathtë të Rajoyt.
Parashikohet një erë e re për vendin e katër të ekonomisë së BE-së, në të cilën partia konservatore e Rajoyt udhëhiqte vendin prej vitit 2011, raporton “DW”, transmeton Periskopi.
Gjatë kohës së tij në opozitë, Sanchez – një ish-profesor i ekonomisë – kundërshtoi ashpër shkurtimet e shpenzimeve të imponuara nga konservatorët dhe premtoi të zgjerojë të drejtat e mirëqenies.
Pavarësisht kritikimit të masave shtrënguese, Sanchez nuk ka shprehur asnjë skepticizëm mbi bashkimin monetar të BE-së.
Ai gjithashtu është zotuar të respektojë një buxhet kombëtar të negociuar kohët e fundit nga Rajoy, duke shmangur frikën e paqëndrueshmërisë ekonomike në BE.
Sanchez u anëtarësua fillimisht në PSOE në vitin 1993 dhe punoi si këshilltar politik në Parlamentin Evropian dhe në OKB gjatë luftës në Kosovë.
Ai u bë këshilltar në Këshillin e Qytetit të Madridit në 2004, pastaj një anëtar i Kongresit të deputetëve të Spanjës për në Madrid në vitin 2009. Në vitin 2011, ai mbaroi doktoratën e tij ekonomike përpara se të kthehej në Kongres në vitin 2013./Periskopi/
