3 orë më parëKim Jong-un, ‘lideri vampir’
Periskopi(8 vite më parë)
(8 vite më parë)Në Kore të Veriut, shtet ky ku lideri Kim Jong-un ka status pothuajse të barabartë me zotin, vënia në pikëpyetje e vendimeve, veprimeve dhe pretendimeve të tija është e paimagjinueshme për shumëkënd. Banorët aty mësojnë qysh nga fëmijëria se ai është i gjithëdijshëm, ndërsa urdhërohen t’i raportojnë kundërshtarët – qofshin ata edhe anëtarë të […]
Në Kore të Veriut, shtet ky ku lideri Kim Jong-un ka status pothuajse të barabartë me zotin, vënia në pikëpyetje e vendimeve, veprimeve dhe pretendimeve të tija është e paimagjinueshme për shumëkënd.
Banorët aty mësojnë qysh nga fëmijëria se ai është i gjithëdijshëm, ndërsa urdhërohen t’i raportojnë kundërshtarët – qofshin ata edhe anëtarë të familjes, shkruan BBC, transmeton “Koha Ditore”.
Me të folur haptas, tregtarja Sun Hui – që nuk është emri i saj i vërtetë – e di se po e vë jetën e saj në rrezik të madh.
“Kryesisht, njerëzit e kritikojnë Kim Jong-unin se është një afarist”, thotë ajo, duke e reflektuar pakënaqësinë e kudondodhur. “Njerëzit thonë se ai sillet njësoj sikurse ne, porse i merr paratë tona”.“(Ata thonë se) vocërraku e përdor kokën për t’i përthithur paratë tona si një vampir i vogël” .
