Kadri Veseli i bërtet BE’së për vizat: Nuk kemi çka bëjmë më shumë

Kryetari i PDK’së, Kadri Veseli ka qenë mjaft i ashpër ndaj Bashkimit Evropian lidhur me liberalizimin e vizave për Kosovën. Ai ka thënë se Kosova ka plotësuar të gjitha kushtet që ka kërkuar Evropa. Sipas tij, është fakt që në Kosovë ka krim të organizuar dhe korrupsion, por tha që ‘këto do t’i luftojmë’.

“S’kem çka bëjmë më shumë si shtet, kemi kry të gjitha obligimet, ne mund për luftë politike ta godasim njëri tjetrin”, tha Veseli, shkruan Periskopi.

Por ai tha në një farë forme, se Kosova nuk është fajtore për skepticizmin e Bashkimit Evropian.

“Por ne s’mund të plotësojmë diçka tjetër sepse nëse skepticizmi është brenda Evropës do të jetë krizë brenda vetë Bashkimit Evropian në ato vlera që vetë i proklamon,të bashkuar në diversitet”, ka thënë Veseli, transmeton Periskopi.

“Si mund 1.7 milionë qytetarë të Ballkanit, të Evropës, shqiptarë, të jemi problematik për lëvizjen e Evropës, vetëm ne”, tha ai.

“Edhe tek, ne ka korrupsion, ka krim të organizuar por do ta luftojmë. Por edhe në vendet e Ballkanit, në krahasim me disa vende ne jemi Suedi. Nëse ne kemi sukses sikurse kemi pasur në dekadën e lirisë njëjtën kohë edhe dekaden e shtetit, transformimin ekonomik, të jeni të sigurt që Kosova do të jetë lidere në ballkan e proceseve. Kosova do të jetë lidere e zhvillimeve të proceseve të mëdha transformative eonomike edhe politike për Ballkan. Me një fjalë do të jem shumë konkret: do t’ia sheh hajrin edhe Ballkani zhvillimit të Kosovës”, ka thënë Veseli.

Ai ka folur edhe për çështje të tjera në konferencë për media, si dialogu me Serbinë, për të cilin tha, se nevojitet një konsensus në Kosovë. /Periskopi/