Haradinaj nervozohet pasi Besim Beqaj nuk i shkon në mbledhje

Teksa në emër të Beqajt po fliste zëvendësi i tij Bujar Cakolli dhe po shqyrtohej propozimi për të kërkuar nga presidenti dhënien e autorizimit për nënshkrimin e marrëveshjes së bashkëfinancimit me Agjencionin gjerman për bashkëpunim ndërkombëtar GIZ për projektin CETEP, Haradinaj kërkoi të dijë se ku është ministri Beqaj.

” Zëvendësministër, a mos e din ku është ministri?. Propozoj me shty, kur të vjen ai në mbledhje të Qeverisë. Jam kundër me aprovu, meqë ai është në Kosovë. E ka vlerësu një ngjarje më të rëndësishme se këtë, prapë është në Kosovë. Propozoj me e shty. Kur të vjen ai shkojmë më tutje. I bën të fala shumë, i thuaj tjera ditë hajde këtu, në mbledhje të Qeverisë. Nuk do të vazhdojmë këtu. Nuk është në rregull, një ministër e vlerëson një aktivitet tjetër, më të rëndësishëm se takimin e Qeverisë. A ai e ka ditur ditur që është mbledhja, sot një javë. S’mujm pa kufi me shku kështu. Nuk e kam personale me kerkond por, a po e vazhdojmë punën si i ka hije Qeverisë , o po e lejmë. Vlen për secilin. S’ka logjikë kështu. Nuk e di çka është më me rëndësi se mbledhja e Qeverisë, për një ministër. Ai po e çon zëvendësin po shkon tjetërkund. Ka mujt me çu zëvendësin atje ku është ai vet. Shtyhet kjo pikë e rendit të ditës dhe çdo herë do të sillem kështu”, tha ai.

Ndryshe, ministri Beqaj sot ka mbajtur një aktivitet në Prizren, me të cilin ishte edhe kryetari i Kuvendit Kadri Veseli.

I njëjti ka aktakuzë të ngritur në rastin e njohur si “Pronto”.