4 orë më parëFrancezja që luftoi për ISIS, dënohet me burg të përjetshëm
Periskopi(8 vite më parë)
(8 vite më parë)Një gjykatë irakiane dënoi francezen Melina Bugedir me burg të përjetshëm si pjesëtare e grupit terrorist të Shtetit Islam. Bugedir (28) fillimisht ishte dënuar me gjashtë muaj burg për hyrje ilegale në vend, por gjykata ashpërsoi dënimin pas gjetjes së fakteve të reja, në mesin e të cilave edhe fotografi të burrit të saj, francez, […]
Bugedir (28) fillimisht ishte dënuar me gjashtë muaj burg për hyrje ilegale në vend, por gjykata ashpërsoi dënimin pas gjetjes së fakteve të reja, në mesin e të cilave edhe fotografi të burrit të saj, francez, me ekstremistë të Shtetit Islam.
Ajo u arrestua muajin e kaluar në Mosul dhe doli para gjyqit me vajzën dyvjeçare, dhe kishte tre avokatë, transmeton KosovaPress.
Ministri i Punëve të Jashtme të Francës, Jean-Yves Drian, deklaroi javën e kaluar se Bugedir kishte luftuar në Mosul si “terroriste e Shtetit Islam” kundër njësive irakiane dhe kjo është arsyeja pse ajo po gjykohet në Irak.
Deklarata e tij shkaktoi zemërimin e avokatëve të francezes, të cilët kritikuan Le Drian për shkak të shkeljes së supozimit të pafajësisë.
Ndryshe, pala e akuzuar ka të drejtën e ankesës ndaj vendimit.
