“Era zgjedhje” – si po e rrëzojnë heshturazi Haradinajn PDK-ja dhe Nisma

Në anën tjetër, Nisma Social Demokrate është duke zhvilluar takime të bujshme me pompozitet medial nëpër shumë komuna të vendit, ku po ban Kuvendet e Punës duke hapur degë dhe zgjeruar struktura. Ditëve të fundit, zyrtarë të lartë të Nismës Socialdemokrate i kemi parë në Suharekë, Malishevë, Shtime, Gjilan, Ferizaj e Gjakovë dhe të tjera komuna.

Aktivitetet e shumta të këtyre dy partive lënë të kuptohet se po bëjnë përgatitjet intensive për zgjedhje edhe pse aktivitetet janë të maskuara me procese që sipas tyre janë vetëm procese të brendshme partiake, shkruan Periskopi.

Por, pse kaq shumë bujë në rrjete sociale dhe media?

Partitë tjera duket që janë në gjumë krahasuar me aktivitetet e dy partive që dikur ishin bashkë.

Periskopi, nëpërmjet burimeve brenda dy partive, ka mësuar se të dyja partitë kanë marrë alarmin se zgjedhjet mund të jenë afër, duke pasur parasysh faktin se Kosova qeveriset nga një Qeveri që nuk e ka shumicën në Kuvend. Pa Listën Serbe, Qeveria Haradinaj nuk e ka as shumicën e thjesht, duke mbetur me vetëm 58 deputetë.

Sipas burimeve, PDK dhe Nisma janë të informuara se vendi mund të shkojë në zgjedhje këtë vit dhe janë të interesuara që të ndodh kështu, prandaj ka aq shumë përgatitje e fushatë.

Edhe monitoruesi i Kuvendit të Kosovës nga Instituti Demokratik i Kosovës, Albert Krasniqi, ka vërejtur organizimet në formë fushate të Kadri Veselit dhe Fatmir Limajt.

Madje, ai dyshon se ata do ta çojnë vendin në zgjedhje pa e ditur fare kryeministri dhe kryetari i AAK-së, Ramush Haradinaj.

“Era zgjedhjeve nuk iu vjen ndryshe. Veseli dhe Limaj po dinë diçka. Ndoshta s’po e nxojnë Haradinajn në befasi dhe të painformuar si gjatë krejt mandatit”, ka shkruar ai në profilin e tij në Facebook.

Megjithëse mbajnë poste të rëndësishme publike, Kadri Veseli si nënkryetar i Kuvendit dhe Fatmir Limaj si zëvendëskryeministër, ata kanë lënë anash pozitat shtetërore dhe i janë përkushtuar aktiviteteve të partisë. /Periskopi/