Dy detaje nga konferenca e Kadri Veselit: Kosova është Suedi dhe goditja që ia bëri LDK’së

Kryetari i PDK’së, Kadri Veseli sot gjatë një konference për media ka qenë tejet i ashpër me Bashkimin Evropian.

Ai ka thënë se Kosova ka kryer të gjitha detyrat e saj dhe nuk e di çka duhet të bëjë më tepër.

Por cilat kanë qenë dy detajet më interesante të Veselit gjatë kësaj konference. E para, ka qenë, deklarata e tij që Kosova është Suedi sa i përket luftimit të korrupsionit, krahasuar me vendet e Ballkanit.

E dyta ka qenë, goditja që ia ka bërë Lidhjes Demokratike të Kosovës, për nepotizëm gjatë qeverisjes.

Ja deklaratat e Veselit:

“Kritikat mes nesh a korrupsion, ka krim të organizuar por do ta luftojmë, por në krahasim me vendet, qoftë edhe të Ballkanit e të mos flas për Ukrainën, jemi Suedi.Pse disa byrokratë të korruptumë mendojnë si shteti a i tyne si të hypin në pushtet kjo o çështje tjetër”, ka thënë Veseli.

Ndërsa LDK’në, Veseli e goditi në këtë mënyrë:

“Hajde këto ti kufizojmë por të mos jetë një endemni nga partia në parti vec kur është opozitë. Siç bëjnë kolegët tani nga Lidhja Demokratike e Kosovës me të cilët kam qenë tri vite në opozitë, s’janë shku ma larg, bile edhe ma tepër, nepotizëm”, tha ai/Periskopi/