Deputeti i LDK’së del haptas kundër Thaçit në krye të dialogut

Deputeti i LDK-së, Haxhi Avdyli ka dalur haptas kundër Hashim Thaçit  në krye të dialogut me Serbinë.

Avdyli ka numëruar shumë arsye pse sipas tij, presidenti nuK mund të jetë kryenegociator. Sipas deputetit, Thaçi interesin e vetë e vendos mbi interesin e popullit,  duke bërë pazare në dëm të vendit, transmeton Periskopi.

Deputeti i LDK-së ka thënë se vota e tij do të jetë kundër  duke e ftuar që të japë edhe dorëheqje.

Në anën tjetër është raportuar se LDK po zbutet në këtë aspekt dhe se do ta pranojë Thaçin në krye të dialogut. Shefi i GPD-së të LDK’së.,  Avdullah Hoti tha sot se nuk ka rëndësi se kush  e udhëheqë dialogun, por temat e diskutimit.

Ja reagimi i plotë i Haxhi Avdylit:

Të nderuar qytetarë dhe votuesit e mi,
Hashim Thaqi smund të jetë kryenegociatori i Kosovës sepse: është përgjegjësi kryesor i dështimeve si shtet , përgjegjës kryesor për lëshime të pafalshme ndaj Serbisë, përgjegjës për përqarjet si shoqēri e klasës politike, përgjegjës për shkeljet e marrëveshjes ndërpartiake, përgjegjës për humbjen e konsesusit kombëtar për tema të mëdha, ai është përgjegjës për korrupsionin,kapjen e drejtësisë dhe raportet e këqija ndërkombëtare e shumë të këqija tjera. Ai e ka humbur legjitimitetin politik sepse nuk është zgjedhur nga ky kuvend dhe këta deputetë, ai tani ka perkrahjen vetëm të 28 deputetëve të tanishëm nga 120. Ai interesin personal e vendos mbi interesin e vendit duke bërë pazare për fatin personal në dëm të vendit ,prandaj nëse vjen puna a duhet me i dhënë legjitimitet për kryenegociator, vota ime pa mëdyshje shkon KUNDËR ringjalljes politike të Thaqit përmes negociatave. Prandaj për shkak të mos ushtrimit të detyrës së tij si krijues i unitetit, e ftoj të jap DORËHEQJE nga posti i Presidentit. Ky veprim do ishte kontributi më mirë që ia bën Kosovës dhe unitetit të saj të brendshëm dhe të përmbylljes së sukseshme të negociatave me Serbinē./Periskopi/