Vuçiq për takimet sekrete me Thaçin e Ramën: Njerëzit e ndershëm nuk tregojnë çka është folur në tavolinë

Presidenti serb Aleksandar Vuçiq është pyetur nëse ka folur për zgjidhjen e çështjes së Kosovës me presidentin e Kosovës Hashim Thaçin dhe kryeministrin shqiptar Edi Rama.

Ai ka dhënë një përgjigje konfuze.

Duke mos e pranuar ose mohuar këtë gjë, ai tha se “njerëzit e ndershëm nuk tregojnë për ato që kanë folur në tavolinë”, transmeton Periskopi.

“Njerëzit e ndershëm kurrë nuk flasin për atë që kanë folur në takime të mbyllura. Unë do të flas për të gjitha dhe për gjithcka. Mëkat është të mos gjejmë zgjidhje, apo të gjejmë zgjidhje që do të ishtë thyerje për njërën palë në dialog. Në fund të gjithë ne do të dalim para popullit. Me kryeministrin Rama kam folur disa herë. A kam folur thellë? Jo”, tha Vuçiq. /Periskopi./