3 orë më parëVuçiq: Kemi presion të madh nga SHBA-të për zgjidhjen e çështjes së Kosovës
Periskopi(8 vite më parë)
(8 vite më parë)Presidenti i Republikës së Serbisë, Aleksandar Vuçiq, ka thënë se nuk ka pranuar ndonjë plan konkret sa i përket zgjidhjes së çështjes së Kosovës, por e ka pranuar se ka marrë disa udhëzime apo pika kyçe nga SHBA-të, me të cilat parimisht ka rënë dakord, por me disa nga to edhe nuk është pajtuar,shkruan e […]
Ai ka thënë se janë duke kërkuar një zgjidhje të mirë jo vetëm për serbët e Kosovës, por edhe për Serbinë.
“Të respektohen interesat e serbëve në Kosovë, të kemi një të ardhme, dhe të respektohen interesat legjitime të Serbisë”, ka thënë Vuçiq gjatë qëndrimit në Samitin e Sofjes.
Ai ka thënë se për këtë çështje do të flas me të gjithë të pranishmit në Samitin e Sofjes.
Vuçiq thotë se nëse është ndarë i kënaqur me sugjerimet e dhëna për çështjen e Kosovës, për të njëjtën gjë do të kërkojë edhe miratimin e popullit serb.
Sa i përket asaj se ndihmës-sekretari i shtetit amerikan, Wess Mitchel, e ka kërcënuar Vuçiqin nëse nuk e pranon propozimin për Kosovën, ai ka thënë se një gjë e tillë nuk është e vërtetë aspak, duke e mohuar kategorikisht, shkruan Periskopi.
“Që disa do të donin të shihnin dikë tjetër në pushtet në Serbi nuk është diçka e re. Do të ishte diçka e re nëse dikush do të kënaqej me rezultatet e Beogradit. Mua askush nuk më kërcënon” është shprehur presidenti serb.
Vuçiq e ka pranuar që ka presion nga ShBA-të për zgjidhjen e çështjes së Kosovës dhe sipas tij nuk është diçka për t’u çuditur.
“Është krejtësisht normale qe ata të presin një ndryshim të qëndrimit të Serbisë. Ata e duan ta shohin Kosovën të pavarur, dhe ne nuk e dëshirojmë diçka të tillë” ka deklaruar Vuçiq.
Për Wess Mitchel ka thënë se është një politikan i cili ka dëgjuar gjithmonë edhe pikëpamjet e Serbisë, pavarësisht mospajtimeve bazike për çështjen e Kosovës./Periskopi/
