6 orë më parëVetëvendosje i ftoi të gjitha partitë, por PDK-ja s’ka marrë ftesë
Periskopi(8 vite më parë)
(8 vite më parë)PDK’ja akoma nuk ka marrë ftesë zyrtare nga Lëvizja Vetëvendosje për të marrë pjesë në tryezën e paralajmëruar për të premtën e 25 majit. Kështu ka bërë të ditur për Metron kreu i Grupit Parlamentar të kësaj partie, Memli Krasniqi. Ai ka thënë se derisa nuk marrin ftesë zyrtare, nuk mund të thuhet me saktësi […]
Kështu ka bërë të ditur për Metron kreu i Grupit Parlamentar të kësaj partie, Memli Krasniqi.
Ai ka thënë se derisa nuk marrin ftesë zyrtare, nuk mund të thuhet me saktësi si do të vepronte partia e tij.
“Ne ende s’kemi pranuar ftesën zyrtare, andaj s’mund të përgjigjem me saktësi se si do të veprojmë”, ka thënë Krasniqi.
Mirëpo, i pyetur dy herë se a do të pranonte të ulej në tryezën e VV’së, Krasniqi nuk ka pranuar të përgjigjet, dhe me cinizëm ka pyetur gazetarin: A e lexuat përgjigjen?
Sidoqoftë, Krasniqi pati disa akuza ndaj VV’së që po organizon këtë tryezë. Sipas tij, qëllimi i tryezave kishte qenë që të arrihet konsensus për tema të mëdha, dhe jo të flitet për zgjedhje.
“Ajo që mund të them tash është se qëllimi i tryezave ka qenë që të arrihet konsensus i gjerë për temat e rëndësisë nacionale dhe jo të diskutohet për zgjedhje, të cilat ne mendojmë se duhet të mbahen në afatin e rregullt ligjor”, ka shtuar Krasniqi.
Ndryshe, VV’ja pikërisht për t’u marrë vesh për zgjedhje për parakohshme ka thirrur tryezën e radhës që do të mbahet në ambientet e Kuvendit të Kosovës.
