7 orë më parëUshtria izraelite vret 58 palestinezë, përfshirë edhe një foshnje
Periskopi(8 vite më parë)
(8 vite më parë)Forcat izraelite kanë vrarë të paktën 58 palestinezë dhe plagosën 2, 771 gjatë marshit ku është protestuar nga palestinezët kundër hapjes së ambasadës së SHBA-së në Izrael, njoftojnë burimet nga ministria e shëndetësisë së Palestinës. Numri i të vdekurve shkon në 57 njerëz përfshirë edhe një foshnje e cila ka vdekur si pasojë e efektit […]
Numri i të vdekurve shkon në 57 njerëz përfshirë edhe një foshnje e cila ka vdekur si pasojë e efektit gazit lotsjellës.
Kjo ditë e gjakderdhjes shënon ditën më vdekjeprurëse për palestinezët që kur kishte filluar lufta e Gazës në vitin 2014, raporton “Sky News”, transmeton Periskopi.
Ndërsa, Franca dhe Britania i kanë bërë thirrje për përmbajtje Izraelit, ndërkohë Shtetet e Bashkuara e kanë fajësuar Hamasin për dhunën e shkaktuar.
Ushtria izraelite thotë se forcat e saj kanë qenë nën zjarr nga protestuesit, të cilët kanë tentuar disa herë të thyejnë rrethojën.
Presidenti palestinez Mahmoud Abbas e ka quajtur si masakra izraelite në Gaza.
Ngjarja vdekjeprurëse ka ndodhur vetëm 45 milje larg nga ceremonia e hapjes së amabasadës së Shteteve të Bashkuara në Jeruzalem. Kjo lëvizje ka ardhur pasi, Presidenti i SHBA-së, Donald Trump e ka njohur si kryeqytet të Izraelit, Jeruzalemin në dhjetor të vitit 2017./Periskopi/
