Thaçi tregon çka biseduan me kancelaren Merkel dhe presidentin serb, Vuçiq

Presidenti i Kosovës, Hashim Thaçi, në një konferencë për media me gazetarë pas samitit të Sofjes, ka treguar se çka u bisedua dhe për marrëveshjet e nënshkruara në këtë samit.

“Kemi qenë të koncentruar në temën e ndërlidhjes mes shteteve të Ballkanit dhe BE’së dhe temat e sigurisë si terrorizmi, emigracioni. Temat e konjuktivitetit: hekurudhat, rrugët, infrastrukturat në sektorin e energjisë”, ka thënë Thaçi, transmeton Periskopi.

Ai thotë se pjesëmarrja e Kosovës si shtet i barabartë me shtetet tjera në këtë samit, është një fitore diplomatike.

“Kosova ka pasur mundësi t’i paraqesë të gjitha të arriturat si shtet nga unë si president, nga kryeministri Haradinaj dhe ministri i jashtëm Behgjet Pacolli”, ka thënë ai duke shtuar se ‘pjesëmarrja e Kosovës në këtë samit, ishte një fitore diplomatike’.

Duke bërë një sërë falënderimesh, Thaçi ka vënë në pah rolin e takimit me kancelaren Merkel në këtë takim. Tregoi se çka biseduan bashkë me Merkel dhe me presidentin serb, Aleksandër Vuçiq.

“Interesimi i sinqetë i kancelares Merkel për Kosovën dhe rajone u pa edhe një herë me takimin edhe me presidentin Vuciq, në të cilin takim u konfirmua edhe një herë se do të fillojmë fazën finale të dialogut që do të rezolutojë me marrëveshjen finale dhe me njohjen reciproke. Jam takuar një natë me parë edhe me Vuciqin dhe Mogerini – fazëqn përfundimtare të dialogut mes Kosovës dhe Serbisë Jemi të interesuar të arrijmë paqe dhe stabilitet të qëndrueshëm për shtetet tona dhe rajonin në përgjithësi”, ka thënë ai./Periskopi/