Takohen Haradinaj e Meta, kërkojnë viza për kosovarët e anëtarsim në BE për Shqipërinë

Përmes një postimi në “Facebook”, kryeministri Haradinaj ka thënë se me presidentin Meta kanë bashkëbiseduar për proceset aktuale në të cilat po kalojnë të dyja vendet.

Postimi i kryeministrit Haradinaj:

“Sot u takova me Presidentin e Shqipërisë Ilir Meta, me të cilin bashkëbiseduam për proceset aktuale në të cilën po kalojnë të dyja vendet.

Liberalizimi i vizave për Kosovën dhe hapja e negociatave për BE e Shqipërisë, janë hapa të mëdhenjë për ne, por edhe për rajonin në përgjithësi.

Në këto dy çështje por edhe për procese të tjera, bashkëpunimi Kosovë – Shqipëri do të vazhdojë të fuqizohet”, ka shkruar Haradinaj.