8 orë më parëSBASHK-u i gëzohet ligjit për statusin e arsimtarëve të ‘90-ave, por edhe e kritikon ministrin Hamza
Periskopi(8 vite më parë)
(8 vite më parë)9 mijë e 300 emrave, punëtorë të arsimit në vitet 90-99 do t’u njihet statusi si mësimdhënës, por jo të gjithë janë gjallë t’i gëzojnë privilegjet e përcaktuara me ligj. Shumë nga ta nuk jetojnë më, por e mira e këtij ligji është se pensioni do të jetë trashëgues të cilin do të mund ta […]
Shumë nga ta nuk jetojnë më, por e mira e këtij ligji është se pensioni do të jetë trashëgues të cilin do të mund ta gëzojë bashkëshorti apo bashkëshortja e një punëtori të ndjerë të arsimit të asaj kohe, raporton KTV.
Rrahman Jasharaj, kryetar i sindikatës së Arsimit, ka shprehur shqetësimin e tij për deklaratat e ministrit të financave një ditë më herët në Kuvend, që ligjin e konsideronte si rrezik për buxhetin e shtetit.
Jasharaj tha se ministri Hamza të enjtën tentoi t’u bënte presion deputetëve, por ka falënderuar këta të fundit që votuan për projektligjin.
Jasharaj është shprehur i sigurt se listat e mësimdhënësve të asaj kohe nuk do të fryhen.
Falënderues ndaj deputetëve është shprehur Ahmet Pllana, mësimdhënës i asaj kohe.
Ai ka treguar për problemet që kishte kaluar si mësues gjatë asaj periudhe
Tha se askush nuk mund të krahasohet me punën që kanë bërë ata për ta mbajtur gjallë arsimin shqip.
Përfituesit e pensionit të merituar për vitet 90-99 do të jenë të ndara në dy kategori.
Në kategorinë e parë do të hyjnë ata që kanë punuar 5-10 vjet, me pension shtesë mujore 63, 75 euro, ndërsa në kategorinë e dytë ata që kanë punuar nga 1-5 vjet me pension shtesë prej 23, 25 euro në muaj.
Fatura për këtë, shtetit do t’i kushtojë rreth 17 milionë euro për vitet 2018-2020.
