Policia bën ‘trika’ në Facebook: I arratisuri komenton dhe e bën ‘horë’ (Foto)

Një burrë u raportua i humbur nga Policia, por la pa fjalë të gjithë duke komentuar në Facebook se nuk ishte i “zhdukur” por “i kërkuar”, dhe iu kërkoi atyre që “të bënin punën e tyre”, shkruan Periskopi.

Policia e West Yorkshire tha në Facebook se ishte “e shqetësuar për 21 vjeçarin Leon Smith”, i cili ishte “raportuar se mungonte në zonën Wheatley të Halifax”.

Ai ishte përshkruar si një “djalë i bardhë, me trup mesatar, flokë të bardha dhe që së fundi e kishte pasur të veshur një kostum të zi, bluzë blu…”

E gjithë kjo duket se është bërë në mënyrë që Policia ta kapë 21 vjeçarin dhe ta fus në burg.

“Nuk jam i humbur, por jam në kërkim” ka shkruar ai në komentin e parë që ka marrë 57 reagime. Më pas kishte shtuar: “Hajdeni dhe bëjeni punën tuaj” dhe fare në fund: “Ata bëhen sikur janë të brengosur për sigurinë time dhe krejt çka duan është të më arrestojnë dhe të më fusin në burg”.

Por duket se Leon Smith ia pa ‘sherrin’ komenteve të tij pasi policia e kapi dhe e futi në burg. Më vonë ishte lëshuar një deklaratë ku thuhej: “Ne mund të konfirmojmë se Leon është në paraburgim për një shkelje substanciale të cilën ne nuk mund ta komentojmë më tutje.” /Periskopi