Muslimanët detyrohen me dhunë të konsumojnë alkoolin nga autoritetet kineze

Rreth 900, 000 deri në një milion muslimanë janë arrestuar në kampe të emërtuara nga qeveria kineze si ri-edukuese. Shumica prej tyre janë dërguar në provincën perëndimore të Xinjiangut që është i populluar nga lëvizjet separatiste.

Ish të burgosurit Omir Bekali dhe Kayrat Samarkland për “Washington Post” kanë rrëfyer historitë e tyre ku janë detyruar të pijnë alkool që është në kundërshtim me rregullat e religjionit të cilët i përkisnin.

Orë pas ore, ditë pas dite, Bekali dhe të arrestuarit të tjerë janë indoktrinuar përmes besimeve të reja duke kundërshtuar besimet islame, si pjesë e programit të implementuar nga Partia Komuniste.

Kur Bekali, një musliman kazak, kishte refuzuar t’u përgjigjej rregullave të reja komuniste, ai ishte detyruar me forcë që të qëndronte në një mur për pesë orë. Një javë më vonë, ai ishte izoluar totalisht, ku ishte privuar nga ushqimi për 24 orë. Pas 20 ditëve në kampet e burgut, ai dëshironte që të vriste vetën.

“Shtypja psikologjike ishte jo-normale, kur e kritikoni veten, kundërshtoni mendimet tuaja dhe grupin tuaj etnik”, tha Bakali.

“Akoma mendoj për këto gjatë tërë natës deri në lindjen e diellit. Nuk mundem të flejë. Këto mendime gjatë gjithë kohës më vijnë vërdallë”.

Që nga pranvera e kaluar, autoritetet kineze kanë sulmuar rëndë zonën e banuar nga muslimanët të Xinijangut, ku janë lënduar qindra mijëra kinezë të besimit islam – madje edhe shtetas të huaj në kampet e internimit, raporton “DailyMail”, transmeton Periskopi.

Autoritetet kineze këto sulme i kanë shfajësuar duke u shprehur se po luftohet ekstremizmi islamist.

Atmosfera në burgje është shumë e zymtë me përdorimin e dhunës në masë të madhe dhe deprivimin nga kushtet më elementare si ushqimi.

Programi i burgjeve është implementuar nga aparati i sigurisë duke iu nënshtruar rregullave të Presidentit kinez Xi Jinping./Periskopi/