Ky është polici të cilit iu sulmua shtëpia në Mitrovicë (Foto)

Metro ka mësuar se arsyet e sulmimit me koktej molotovi ndaj policit Ristoviq , kanë ndodhur si pasojë e një përfshirje të këtij të fundit në një konflikt me kontrabandistët e barnave atje.

Milan Ristoviq kishte bashkëpunuar edhe më herët me kontrabandistët e barnave, mirëpo tash polici ka hasur në telashe mëdha me ta, ai i’u ka kërkuar që pjesa e ryshfetit ndaj tij të rritet dhe të i ndahet një pjesë më e madhe e parave, në mënyrë që të i lejojë të kontrabandojnë barna lirshëm në pjesën e veriut, por, këta të fundit nuk kanë pranuar dhe ka ardhur deri tek problemi i sulmit që ka ndodhur mbrëmë gjatë mesnatës në shtëpin e tij

Konflikti mes Ristoviq dhe kontrabanduesve të barnave ka ardhur deri tek arsyeja kur polici ka dashur që ndaj tij të rritet shume e parave për të i siguruar veprimtari të lirë atyre në Mitrovicën e veriut.

Ndryshe, të njëjtit polic i ishte djegur edhe automjeti ‘Golf 5’ para rreth një muaji, ndërsa autorët nuk janë kapur ende nga policia.Ristoviq deri vonë ka qenë shef i operativës në stacionin policor në veri të Mitrovicës, kurse tani është vetëm hetues, ai është i njohur për kërkim të haraçit nga njerëz që sjellin ilegalisht mallra nga Serbia në Kosovë dhe mban lidhje të ngushta me kontrabandistët.

Raste të tilla të djegieve dhe sulmeve në Mitrovicën e Veriut tashmë janë bërë të zakonshme. Për katër vitet e fundit në Veri janë djegur 33 makina.