8 orë më parëKuçi: Asociacioni duhet të kryhet sa më shpejtë
Periskopi(8 vite më parë)
(8 vite më parë)Asociacioni i komunave me shumicë serbe në asnjë mënyrë nuk duhet të mbetet pjesë e çmimit final në raportet Kosovë-Serbi. Nënkryetari i PDK-së, Hajredin Kuçi pas një kohë të gjatë jashtë skenës politike dhe paraqitjeve televizive , në Rubikon të KTV-së ka thënë se çështja e Asociacionit duhej të kryhej menjëherë pas shkuarjes në Kushtetuese. […]
“Sa ma vonë që do të jetë, ambiciet e Beogradit, ndërhyrjet e tyre edhe nëse mbetet për marrëveshjen që po i themi juridikisht, unë e pata quajt traktat të paqes, çmimi do të jetë më i lartë. Asociacioni nuk duhet të mbetet si pjesë e çmimit final”, ka thënë ai.
Ai thekson se qasja e Kosovës duhet të drejtohet kah qytetarët serb të Kosovës të komunave me shumicë serbe si pjesë të vendit.
“Pushteti nuk ndahet në pushtet republike dhe nivel lokal, nuk ka pushtet të ndërmjetëm. Çdo ndryshim tjetër duhet ta ndryshojë Kushtetutën. Besoj që kompromiset me pakon e Ahtisaarit kanë qenë të mjaftueshme për ndryshim të tillë”, shpjegoi tutje Kuçi.
