“Jetëgjatësia ime është një ndëshkim dhe jo një dhuratë nga Zoti” – flet gruaja më e vjetër në botë

Koku Istambulova, nga Çeçenia, tha se nuk ka pasur një ditë të vetme të lumtur në tërë jetën e saj dhe nuk ka idenë se si ajo ka arritur jë jetojë kaq gjatë.

Istambulova, e cila nuk e ka ngrënë mishin, por e do qumështin e fermentuar, beson se është “vullneti i perëndisë” që do të jetojë për të parë 129 vjetorin e saj muajin e ardhshëm.

Pretendimi se Istambulova është rreth 129 vjeç bazohet në dokumentin e saj të lëshuar më 1 qershor të vitit 1889, raporton “DailyMail”, transmeton Periskopi.

Nëse kjo datë është e saktë, Istambulova i ka pasur 27 vite kur ishte rrëzuar cari Nicholasi II dhe ardhjen e revolucionit rus, 55 vjeç kur kishte përfunduar Lufta e Dytë Botërore, dhe 102 vjeç kur kishte kapitulluar Bashkimi Sovjetik.

Gjatë luftës ajo kujton ‘tanket e frikshme’ naziste gjermane që kaluan shtëpinë e familjes së saj në një fshat në Çeçeni.

Ajo dhe familja e saj ishte deportuar në hyrje të Kazakhistanit dhe Siberisë ku ishin akuzuar si bashkëpunëtorë të nazistëve nga Stalini.

E pyetur nga gazetarët, se cili është sekreti i jetëgjatësisë së saj, ajo tha “Ishte vullneti i zotit. Nuk bëra asgjë për të jetuar kaq gjatë”.

“Unë shoh njerëz (që jetojnë gjatë) duke bërë sport, duke ngrënë diçka të veçantë, duke e mbajtur vetën të shëndetshëm, por nuk kam asnjë ide  se si kam jetuar deri tani”.

“Jam e lodhur. Jetëgjatësia nuk është aspak një dhuratë nga perëndia për mua – por është një ndëshkim për mua”.

Ajo gjatë jetës së saj, humbi shumë fëmijë, përfshirë edhe djalin e saj gjashtë vjeçar.

Zyrtarët rusë thonë se dokumentet e saj janë humbur të gjitha gjatë luftës së dytë çeçene nga viti 1999 deri në vitin 2009.

Jeta më e vjetër e dokumentuar për jetëgjatsinë është e Jeanne Clement nga Franca, e cila kishte jetuar për 122 vite, 164 ditë, por ajo kishte vdekur në vitin 1997./Periskopi/