Ja kur do të performojnë tre shqiptarët sonte në Eurovizion

Eugenti dalëngadalë u bë një nga këngëtarët më të njohur të Shqipërisë. Me këngën “Mall” këtë vit arriti të kualifikohet për në natën e madhe në Eurovision.

Por si asnjëherë më parë në finale do të jenë 3 shqiptarë, të cilët do përfaqësojnë Shqipërinë, Italinë dhe Qipron.

Finalja e madhe po mbahet sonte në Lisbonë të Portugalisë dhe në faqen zyrtare të Eurovizionit ka dalë lista e radhës që do të kenë konkurrentët.

Eugent Bushpepa do të këndojë “Mall” dhe do të jetë i 12 në radhë, ndërkohë që Eleni do të jetë e 25-a e do të pasohet nga Ermal Meta që do të këndojë i 26-i, pra i fundit që do të mbyllë garën./Periskopi/