Haziri: Samiti i Sofjes si ekskursion për qeveritarët, mbi 60 anëtarë pjesë e delegacionit

Haziri tha se Spanja nuk është Jugosllavi, andaj rasti i Katalonisë nuk mund të krahasohet me atë të Kosovës.

“Në deklaratën e BE’së thuhet se sovraniteti dhe integriteti i Ballkanit nuk duhet të preket. Kjo është mbështetje e fuqishme nga BE”, ka thënë Haziri.

Tutje, ai ka folur edhe për çështjen e vizave.

“Sa herë që këta pushtetarët tanë i përmendin vizat, i shtyjnë për një vit. Nuk është esenca me jap data, sepse nuk dihet. Por, duhet punuar shumë që të përmbushen kriteret”, ka deklaruar tutje ai.

Tutje, Haziri tha se roli i LDK’së në opozitë është konstruktiv, pasi pa votat e tyre nuk do të miratoheshin shumë ligje, as dje ai për Kryeqytetin.

Tutje, Haziri ka kritikuar numrin e madh të qeveritarëve që kanë marrë pjesë në Samitin e Sofjes.

“Pas Samitit të Sofjes është mirë që edhe Qeveria me pa gjendjen e tyre, pa fuqinë e tyre politike për me shty procese përpara. Në rastin e Kosovës e Shqipërisë po marrin pjesë në Samit edhe njerëz që kanë aktakuza. Kjo nuk është e mirë, duhet pasur kujdes në përfaqësim. Është lëshuar rasti që Kosova në këtë Samit të përfaqësohet me një delegacion më të dinjitetshëm. Të mos kuptohet Samiti i Sofjes si ekskursion politik, ku 60 anëtarë të Qeverisë marrin pjesë. Presidenca, Qeveria e të tjerët që janë pjesë e kësaj. Ky është delegacion shumë i madh”, ka shtuar Haziri. /Periskopi