4 orë më parëHaxhiu e godet rëndë Aida Dërgutin, përmes Kadri Veselit
Periskopi(8 vite më parë)
(8 vite më parë)Deputetja e Lëvizjes Vetëvendosje, Albulena Haxhiu, ka folur rreth postit të nënkryetares së Kuvendit të Kosovës që mbahet nga tashmë deputetja e PSD-së, Aida Dërguti. Haxhiu ka thënë se kanë kërkuar nga kreu i Kuvendit, që ta shkarkojë por nuk ka ndodhur një gjë e tillë, madje siç potencon Haxhiu, ekziston një dëshirë e madhe […]
Haxhiu ka thënë se kanë kërkuar nga kreu i Kuvendit, që ta shkarkojë por nuk ka ndodhur një gjë e tillë, madje siç potencon Haxhiu, ekziston një dëshirë e madhe e Kadri Veselit për ta mbajtur Dërgutin në atë post.
“Është një zell i Kadri Veselit, që ta mbajë Dërgutin në atë post. Ne i kemi kërkuar atij shkarkimin e saj, duke i thënë që nëse dëshiron ta mbajë në kryesi të Kuvendit, t’ia jap postin e kryetares së Kuvendit”, ka deklaruar Haxhiu në KTV, raporton Periskopi.
Sipas saj, në momentin që Dërguti ka kaluar në një parti tjetër, është dashur të jap dorëheqje nga të gjitha pozitat që i ka fituar sa ka qenë pjesë e Lëvizjes Vetëvendosje.
“Aida Dërguti në momentin që ka kaluar në PSD , është dashur që të jap dorëheqje nga të gjitha pozitat që i ka marrë gjatë kohës sa ka qenë në Vetëvendosje”, ka thënë Haxhiu.
Ajo ka thënë se madje nuk është as në natyrën e Aida Dërgutit që të bëjë një veprim të tillë, duke mos dhënë dorëheqje nga ai post./Periskopi/
