6 orë më parëGjest i jashtëzakonshëm nga mërgimtarët e Vushtrrisë: Paguajnë bukën për skamnorët me rastin e Ramazanit
Periskopi(8 vite më parë)
(8 vite më parë)Bashkatdhetarët e Vushtrrisë që jetojnë në Gjermani gjatë muajit të shenjtë të Ramazanit kanë ndërmarr një iniciativë bamirësie për njerëzit që nuk mund të blejnë bukë. Drejtori Komunal për Shëndetësi në komunën e Vushtrrisë, Sylejman Meholli përmes një postimi në Facebook ka shkruar se ata persona që nuk kanë mundësi, mund të shkojnë të marrin […]
Drejtori Komunal për Shëndetësi në komunën e Vushtrrisë, Sylejman Meholli përmes një postimi në Facebook ka shkruar se ata persona që nuk kanë mundësi, mund të shkojnë të marrin bukë pa paguar në një furrë të qytetit.
Meholli ka bashkangjitur fotografinë e furrës në të cilën qytetarët e Vushtrrisë mund të marrin bukë gjatë një muaji.
Ky është postimi i Mehollit:
Të dashur miq, të dashur qytetarë të Vushtrrisë!
Urime muaji i shenjët i Ramazanit! Zoti na e lehtësoftë agjerimin dhe na e pranoftë agjerimin e devotshmërin gjatë këtij muaji.
Muaji i Ramazanit në Komunën tone, pritet me një traditë, respekt e solidaritet të veçant.
E tillë është edhe iniciativa e bashkëatdhetarëve tanë nga Gjermania të cilët përmes një miku të tyre më lutën të njoftojë se:
“Ata (bashkëatdhetarët tanë në Gjermani) kanë vendosur të paguajnë bukën për të gjitha ato familje që nuk kanë mundësi ta paguajn buken gjatë këtij muaji”. Në foto gjeni furrën ku mund të furnizoheni e cila gjendet afër shkollës “Naim Frashëri”.
Falemnderit diasporë që ishit dhe vazhdoni të jeni krahu më i fuqishëm i humanitetit për vendin tonë!
Me Respekt
S.M.
