Gazetari Bajrami: Lajme të rreme prodhojnë politikanët, jo mediet

Kryeredaktori i Kohës Ditore, Agron Bajrami, ka publikuar një shkrim në portalin KOHA [i publikuar poashtu edhe në gazetën malazete “Vijesti”] në lidhje me iniciativën për hartimin e Ligjit për Media nga ana e Komisionit për administratë publike, pushtet lokal dhe media i Parlamentetit të Kosovës, transmeton Periskopi.

Në këtë shkrim, Bajrami tregohet i ashpër me atë që e përgjithëson si ‘politikan kosovar’. Sipas tij, vetë politikanët kosovarë duhet të shohin veten në pasqyrë, dhe të kuptojnë se lajme të rreme prodhojnë vetë ata – duke dashur të delegjitimojnë veten, dhe duke dashur të ngrisin gjasat e tyre në zgjedhje.

E gjithë kjo, beson ai, është tendencë e politikës për ta vënë në duar të veta “një instrument me të cilin do t’i disiplinojnë mediat dhe do të vendosnin më lehtë mekanizmin e censurës dhe autocensurës”.

Më tej ai ka shtuar: “Në fund të  fundit, nëse vërtet brengosen dhe duan t’i kursejnë të gjithë qytetarët e Kosovës jo vetëm nga lajmet e rreme, manipulimet dhe shpifjet, por edhe nga hipokrizia skajshmërisht e pamoralshme e njerëzve që kanë pushtet politik, ekonomik apo të çfarëdo lloji tjetër në shoqëri – le t’ia fillojnë nga vetja.”

Lexo shkrimin e plotë të z.Bajrami, duke klikuar këtu.