7 orë më parëFrika rritet derisa Irani dhe Izraeli i afrohen një konflikti global
Periskopi(8 vite më parë)
(8 vite më parë)Izraeli dhe Irani janë detyruar të heqin dorë nga një konflikt i drejtpërdrejt nga fuqitë ndërkombëtare, por hedhja e raketave izraelite mbi Sirinë e shkatërruar mund të çojë në një luftë në shkallë të gjerë. Armiqësitë shpërthyen pas deklaratës së Trump i cili të martën tërhoqi SHBA-në nga marrëveshja nukleare me Iranin e realizuar në […]
Armiqësitë shpërthyen pas deklaratës së Trump i cili të martën tërhoqi SHBA-në nga marrëveshja nukleare me Iranin e realizuar në vitin 2015, një lëvizje që shkaktoi zemërimin e Teheranit dhe ngriti tensione në të gjithë Lindjen e Mesme.
Që prej fillimit të luftës civile në Siri dhe Jemen, në muajt e fundit, rajoni ka parë që Izraeli dhe Irani gjithnjë e më shumë paralajmërojnë për një konflikt të afërt.
Ndërsa, sekretari gjeneral i Kombeve të Bashkuara Antonio Guterres dhe shefja e politikës së jashtme të Bashkimit Evropian Federica Mogherini kanë bërë thirrje për përmbajtje, raporton “The Guardian”, transmeton Periskopi.
Ushtria izraelite tha se kishte sulmuar logjistikën e forcave iraniane që janë të vendosura në jug, veri dhe lindje të Damaskut, përfshirë edhe një depo municioni dhe një aeroport ndërkombëtar.
Observatori Sirian për të Drejtat e Njeriut, e cila ka monitoruar këtë konflikt përmes një rrjeti të burimeve, tha se sulmet izraelite kanë vrarë të paktën 23 luftëtarë, përfshirë trupa qeveritarë dhe forca të aleatëve./Periskopi/
