8 orë më parëFlet aktivistja e SKV-së: Pati sjellje brutale të policisë gjatë arrestimit të kolegëve të mi
Periskopi(8 vite më parë)
(8 vite më parë)Saktësisht 1 muaj janë bërë nga arrestimi i 6 anëtarëve të organizatës Studim Kritikë Veprim. Berita Abazi ishte në parkun e qytetit më 12 prill, kur u arrestuan kolegët e saj, derisa po shënonin 8-vjetorin e organizatës dhe thotë të ketë parë sjellje brutale të policëve, raporton KTV. Të arrestuarve u është vazhduar masa […]
Saktësisht 1 muaj janë bërë nga arrestimi i 6 anëtarëve të organizatës Studim Kritikë Veprim.
Berita Abazi ishte në parkun e qytetit më 12 prill, kur u arrestuan kolegët e saj, derisa po shënonin 8-vjetorin e organizatës dhe thotë të ketë parë sjellje brutale të policëve, raporton KTV.
Të arrestuarve u është vazhduar masa e paraburgimi edhe për dy muaj dhe një gjë e tillë, sipas Abazit, po bëhet për të fshehur gjurmët e krimit.
Derisa Abazi kërkon lirimin e kolegëve të saj, si krejtësisht të motivuar politikisht këtë ngjarje e sheh deputeti i Lëvizjes Vetëvendosje, Sami Kurteshi.
Qendra Kosovare për Rehabilitimin e të Mbijetuarve të Torturës, pas vizitës dhe intervistimit të aktivistëve, kishte konstatuar se policia kishte përdorur dhunë gjatë arrestimit, transportimit, por edhe qëndrimit në stacione policore të aktivistëve.
Gjithashtu, ishte ftuar inspektorati policor për të hetuar pretendimet për përdorimin e panevojshëm të tepruar të forcës nga Policia.
Në policinë e Kosovës, pas arrestimit të tyre, kishin thënë se informatat e tyre ishin që në festën e SKV-së, që po zhvillohej në hapësirat e Parkut të Qytetit, përveç muzikës së zhurmshme, po përdorej alkooli dhe substancat narkotike.
