Dalin detaje rreth shkarkimit të dekanëve në Universitetin “Haxhi Zeka”

Këshilli Drejtues i Universitetit kishte nxjerrë një rregullore, që më pas doli të jetë në kundërshtim me statutin e Universitetit “Haxhi Zeka”.

Sipas statutit, dekani duhet të jetë profesor i asociuar, ndërsa pika tre e nenit 18 të rregullores kishte përcaktuar që të jetë vetëm profesor asistent.

Profesori Nexhdet Shala thotë se ata u zgjodhën në bazë të kushteve të përcaktuara sipas rregullores që kishte nxjerrë Këshilli Drejtues.

Kryetari i Këshillit Drejtues, Haxhi Xhemajli, nuk u është përgjigjur thirrjeve të KTV-së për të marrë përgjigje rreth nxjerrës së kësaj rregulloreje, e cila më pas është shfuqizuar.

Ndërkohë, në Rektoratin e Universitetit e arsyetojnë vendimin e Këshillit me mungesë të kuadrove, por theksojnë se janë të obliguar të zbatojnë çfarëdo vendimi që nxjerr ky këshill.

Në Ministrinë e Arsimit, shkurt, kanë deklaruar se vendimet i takojnë Këshillit Drejtues dhe nuk ndërhyjnë në punën e tij.