Bill Gates kujton momentin kur Trump e kishte pyetur se cili është dallimi mes HIV dhe HPV

Këto pretendimet thuhet se kanë ndodhur në ngjarjen e organizuar nga Fondacioni Bill & Melinda Gates.

Gates tha se për herë të parë që e kishte takuar Trumpin ishte dhjetori i vitit 2016, ku ai kujton momentin: “Kështu kur filluam të flasim, ai ishte i frikësuar nga pamja e vajzës sime. Melinda (gruaja e Billit) nuk e pëlqente qasjen e Trump”, raporton “The Guardian”, transmeton Periskopi.

Ata do të takoheshin përsëri në muajin mars të vitit të kaluar në Shtëpinë e Bardhë. “Në këto takime, ai më pyeti nëse vaksinat nuk ishin një gjë e keqe, sepse ai ishte duke konsideruar një komision për të parë efektet e pafavorshme të vaksinave dhe dikush po e këshillonte atë – mendoj se ishte Robert Kennedy Jr – po e këshillonte atë se vaksinat po shkaktonin gjëra të këqija. I thash jo, është një fund që sjell vdekje, është një gjë e keqe, mos e bëni këtë”.

“Në të dyja takimet ai dëshironte të dinte se ku qëndron dallimi ndërmjet HIV dhe HPV, kështu unë isha i aftë t’ia shpjegoja këtë konfuzitet”, shtoi Gates.

Ndërkohë, sipas Shërbimit të Shëndetit Kombëtar të Britanisë së Bashkuara dallimi ndërmjet HIV dhe HPV është: “Virusi njerëzor papilloma (HPV) ndikon në lëkurën dhe në membranat me lagështi. HPV mund të shkaktojë probleme të tilla si gunga të vogla, lythat në gjenitale dhe ndryshimet jonormale të qelizave në qafën e mitrës. Ndërsa, virusi i mungesës së imunitetit njerëzor ose ndryshe siç njihet si HIV sulmon sistemin imunitar. Infeksioni HIV mund të çojë në Aids; megjithatë, me një diagnozë të hershme dhe trajtim, tek shumë njerëz nuk zhvillohet Aids”./Periskopi/