2 orë më parëBeogradi i hakmerret Hoxhës, e shkarkon nga posti i kryetarit të ‘komunës’ Gora
Periskopi(8 vite më parë)
(8 vite më parë)Qeveria e Serbisë në mbledhjen e djeshme e ka shkarkuar Adem Hoxhën nga posti i kryetarit të, siç e quan gazeta serbe ”politika”, organit të përkohshëm, të Komunës së Gorës në Kosovë. Hoxha, sipas kësaj gazete, në krye të këtij administrimi lokal që funksionon në kuadër të sistemit të Serbisë, është vënë në vitin 2013. […]
Hoxha, sipas kësaj gazete, në krye të këtij administrimi lokal që funksionon në kuadër të sistemit të Serbisë, është vënë në vitin 2013.
Shkarkimin e tij e ka konfirmuar Zyra për Kosovën në qeverinë e Serbisë me iniciativën e të cilës është shkarkuar kryetari i komunës më në jug të Kosovës.
Në këtë zyrë është thënë se në periudhën e ardhshme do të tregohet se kush do ta zëvendësojë Hoxhën në këtë post.
Hoxha, deputet i Partisë së Bashkuar Gorane në Kuvendin e Kosovës, sipas “politikes”, nga goranët që janë luajalë ndaj shtetit të Serbisë, ka kohë që akuzohet se “punon në dëm të tyre si dhe në dëm të Beogradit”.
Hapi i fundit i tillë i Hoxhës, sipas kësaj gazete, ka qenë ai kur me vetë iniciativë në festën tradicionale të Shën Gjergjit në Gorë kishte ftuar dhe i kishte gostitur në Gorë përfaqësues të lartë të Kosovës.
