3 orë më parëAssad: S’dua ta shoh Trumpin në fytyrë, ai s’ka ndikim as në Amerikë
Periskopi(8 vite më parë)
(8 vite më parë)Takimi me Donald Trump do të ishte i pakuptimtë, sepse akterë të tjerë shtetërorë dhe jo presidenti i SHBA-së kontrollon këtë shtet, tha Bashar Assad në një intervistë. Ai shtoi se agjenta e zyrtarëve shtetërorë amerikanë po tenton të krijojë një konflikt kundër Rusisë. “Nuk mendoj se presidenti i atij regjimi ka në kontroll vendin […]
“Nuk mendoj se presidenti i atij regjimi ka në kontroll vendin e tij”, tha Assad, duke iu referuar Trumpit. “Të gjithë besojnë se zyrtarët e tjerë shtetërorë janë shteti i vërtetë dhe kontrollojnë çdo president, nuk ka asgjë të re. Gjithmonë ka qenë kështu në Shtetet e Bashkuara, të paktën gjatë 40 viteve të fundit, të paktën që prej Niksonit, ndoshta më parë ka qenë ndryshe, por është duke u bërë edhe më e fortë, dhe rasti më i rreptë është Trump”, shtoi ai, raporton “RT”, transmeton Periskopi.
Assad gjithashtu përjashtoi mundësinë për shpërthimin e një lufte të tretë botërore në Siri. “Jo për një arsye: Sepse fatmirësisht, ju keni lidershipin e Rusisë, dhe ata kanë njohuri për agjentën e Shteteve të Bashkuara që kanë tendenca për krijimin e konflikteve. Që prej kampanjës së Trump, agjenta kryesore ishte kundër Rusisë, krijimi një konflikti me Rusinë, për të poshtëruar Rusinë, për të minuar Rusinë, e kështu me radhë”, tha Assad.
Ai për fund fajësoi se shtete si Shtetet e Bashkuara, Franca, Britania e Madhe, Arabia Saudite, Katari dhe Turqia janë fajtorët kryesorë për luftën shtatë vjeçare të shkaktuar në Siri./Periskopi/
