Arsimtari nga Ferizaj që mori tri paga pa punuar fare, gazetarëve u thotë: Shkoni bre n’rrotë t’somës

Hetimet i ka konfirmuar Kryeprokurori i Prokurorisë Themelore të Ferizajt, Shukri Jashari. Ka thënë se hetimet po zhvillohet edhe kundër drejtorit të kësaj shkolle Enver Azemi. Nuk ka dhënë detaje të tjera.

Kjo foto dëshmon vizitën e profesorit të lëndës Kulturë Fizike, Hazir Salihu, nga gjimnazi “Kuvendi i Arbërit” në Ferizaj, në Amerikë në shtator të vitit të kaluar.

Por televizioni shtatë ka siguruar fakte qe tregojnë se profesori ani se nuk ka marrë pjesë në procesin mësimor paga prej 510 eurove i ka ecur sikur të ishte në punë.

Televizioni 7 ka kërkuar disa herë përgjigje prej Hazir Salihut. I njëjti ka refuzuar të flasë edhe kur i është dhënë mundësia të sqarojë pse kishte marrë pagë duke qëndruar jashtë shtetit.

Nëpërmjet telefonit, ai ka zgjedhur fjalë banale ndaj gazetarit që e ka kontaktuar.

Mirëpo, faji pse Salihu nuk mbajti mësim po del të jetë te drejtori i shkollës, Enver Azemi. Edhe ky i fundit refuzoi të japë një përgjigje pse lejoi punëtorin të marrë pagë duke qëndruar në Amerikë.

Edhe në drejtorin e Arsimit në Ferizaj thonë se janë të njoftuar për këtë problematikë.

Ne kemi informacione se kjo çështje ka ndodh në qeverisjen e kaluar dhe si rezultat i saj është bartur edhe në mandatin tonë, nuk kemi marrë asnjë masë sepse kjo çështje ka kaluar në prokurori edhe në krimet ekonomike këto informacione i kanë dhënë edhe zyrtarët që punojnë në drejtori.

Po ashtu, drejtori i Shkollës ua kishte ndalur nga 20 euro nga paga për muajin tetor me pretendimin se nuk kanë marrë pjesë në manifestimin për ditën e dëshmorëve të Ferizajt.