Zyrtari i PDK-së nga tryeza e Isa Mustafës: LDK-ja s’mund ta çojë vendin në zgjedhje, PDK-ja mundet

Në takimin që sipas tij se nuk u mbajt për të folur për zgjedhjet, por për të arritur konsensus siç parashihet në platformën politike të kryetarit të PDK-së Kadri Veseli, tha se janë diskutuar çështjet e interesit nacional.

Krasniqi, tha se vendin në zgjedhje mund ta çojë vetëm PDK-ja, dhe jo LDK-ja, shkruan Periskopi.

“Nuk mundet LDK-ja me çu vendin në zgjedhje, PDK-ja e çon vendin në zgjedhje. Partitë politike duhet me qenë gjithmonë të gatshme për zgjedhje. Ne nuk mendojmë që duhet të shkojmë në zgjedhje tash, por ka nevojë për reformë zgjedhore”, tha ai.

Ai tha se takime të tilla do të mbahen edhe në të ardhmen, përderisa tha se propozimet e PDK-së gjetën vend në tryezën e LDK-së.

“Ne u dakorduam që takime të tilla t’i vazhdojmë edhe në të ardhmen. Edhe propozimet e PDK-së, për një platformë gjithëpërfshirës, për një konsensus për tema nacionale. Kemi trajtuar një gamë, ku pajtohemi, që të kemi një gjithpërfshirje të spektrit politik, në mënyrë që t’i tejkalojmë në mënyrë më të shpejtë dhe më të lehtë, siç është dialogu me Serbinë, themelimi i Ushtrisë, themelimi i Asociacionit, reforma zgjedhore etj. Kemi gatishmëri që të ecim përpara për tema që janë të rëndësisë nacionale. Nuk është e mjaftueshme që vetëm të mbledhim e të diskutojmë, por në takimet e ardhshme kemi qëllime për marrëveshje konsensuale mes pozitës dhe opozitës”, tha ai. /Periskopi/