6 orë më parëZv.kryeministri turk flet për tensionet Kosovë – Turqi, e quan sukses të madh arrestimin e gylenistëve
Periskopi(8 vite më parë)
(8 vite më parë)Zëvendëskryeministri turk, Bekir Bozdag ka komentuar edhe një herë operacionin e arrestimit të shtetasve turq në Kosovë, duke paralajmëruar arrestime të tjera të ‘gylenistëve’ nëpër botë, shkruan Periskopi. “Organizata Kombëtare e Inteligjencës turke ka kapur 80 qytetarë turq të dyshuar për lidhje me atë që autoritetet e quajnë Organizata Terroriste Fetullahiste – FETO nga 18 […]
Zëvendëskryeministri turk, Bekir Bozdag ka komentuar edhe një herë operacionin e arrestimit të shtetasve turq në Kosovë, duke paralajmëruar arrestime të tjera të ‘gylenistëve’ nëpër botë, shkruan Periskopi.
“Organizata Kombëtare e Inteligjencës turke ka kapur 80 qytetarë turq të dyshuar për lidhje me atë që autoritetet e quajnë Organizata Terroriste Fetullahiste – FETO nga 18 vende të ndryshme të botës”, ka thënë ai në një intervistë për televizionin Haberturk, shkruan Periskopi.
Ai ka folur edhe për rritjen e tensioneve mes Kosovës dhe Turqisë si pasojë e arrestimit të gjashtë shtetasve turq në Kosovë.
“Agjencia e Inteligjencës turke ka ndërmarrë një operacion masiv. Ajo që ndodhi në Kosovë ishte një sukses i madh”, ka thënë ai.
Bozdag nuk ka treguar se në cilat vende të tjera janë kryer operacione për arrestimin e të ashtuquajturve ‘gylenistë’, mirëpo mediat turke shkruajnë se përveç Kosovës, janë bërë disa arrestime edhe në Sudan, Pakistan dhe në Afganistan./Periskopi/
